មាតុគ្រាម

មាតុគ្រាមប្រកបដោយអង្គ ៥ មិនជាទីពេញចិត្តរបស់បុរស

        ១‑ន ច រូបវា ហោតិ មាតុគ្រាមមិនមានរូប

        ២‑ន ច ភោគវា ហោតិ មាតុគ្រាមមិនមានភោគ

        ៣‑ន ច សីលវា ហោតិ មាតុគ្រាមមិនមានសីល

        ៤‑អលសោ ច ហោតិ មាតុគ្រាមជាអ្នកខ្ជិលច្រអូស

        ៥‑បជ្ជញ្ចស្ស នលភតិ មាតុគ្រាមមិនមានកូនជាទីញ៉ាំងវង្សត្រកូលនៃបុរសនោះ ឲ្យ តម្កល់​នៅ។

មាតុគ្រាមប្រកបដោយអង្គ ៥ ជាទីពេញចិត្តរបស់បុរស

        ១‑រូបវា ច ហោតិ មាតុគ្រាមមានរូប

        ២‑ភោគវា ច ហោតិ មាតុគ្រាមមានភោគ

        ៣‑សីលវា ច ហោតិ មាតុគ្រាមមានសីល

        ៤‑ទក្ខោ ច ហោតិ អនលសោ មាតុគ្រាមជាអ្នកមិនខ្ជិលច្រអូស

        ៥‑បជញ្ចស្ស លភតិ មាតុគ្រាមមានកូនជាទីញ៉ាំងវង្សត្រកូលនៃបុរសនោះឲ្យតម្កល់នៅ

        ចំណែកបុរសក៏មានន័យដូចជាស្រ្តីដែរ។ ទ.៨២ បេយ្យាលវគ្គ

សេចក្តីទុក្ខរបស់មាតុគ្រាមនេះមាន ៥ យ៉ាងដែលមាតុគ្រាមតែង

ទទួលរងផ្សេងពីបុរស

        ១‑ឥធ ភិក្ខវេ មាតុគ្គាមោ ទហរោ សមានោ បតិកុលំ គច្ឆតិ ញាតកេហិ វិនាហោតិ ម្នាលភិក្ខុទាំងឡាយ មាតុគ្រាមក្នុងលោកនេះ នៅក្មេងទៅកាន់ត្រកូលប្តី ប្រាស​ចាកញាតិទាំងឡាយ។

        ២‑បុន ចបរំ ភិក្ខវេ មាតុគ្គាមោ ឧតុនីហោតិ ម្នាលភិក្ខុទាំងឡាយ មួយទៀតមាតុគ្រាម​មានរដូវ។

        ៣‑បុន ចបរំ ភិក្ខវេ មាតុគ្គាមោ គព្ភិនីហោតិ ម្នាលភិក្ខុទាំងឡាយ មាតុគ្រាម មានគភ៌។

        ៤‑បន ចបរំ ភិក្ខវេ មាតុគ្គាមោ វិជាយតិ មា្នលភិក្ខុទាំងឡាយ មួយទៀត​មាតុ​គ្រាម​សំរាល​កូន។

        ៥‑បន ចបរំ ភិក្ខវេ មាតុគ្គាមោ បុរិសស្ស បាវិចរិយ ឧបេតិ ម្នាលភិក្ខុទាំងឡាយ មួយ​ទៀតមាតុគ្រាមចូលទៅបំរើបុរស។ ទ.៨៥ បេយ្យាវគ្គ “សុត្តន្តបិដក សំយុត្តនិកាយសឡា​យតនវគ្គ អដ្ឋមភាគ​ ៣៦”